الإثنين , 25 يونيو 2018
أخبار عاجلة

كشف تسربات المياه بالرياض

الرئيسية / فنون / اختار صح .. شعر ـ مياده الشربيني :
الشاعره ميادة الشربيني
الشاعره ميادة الشربيني

اختار صح .. شعر ـ مياده الشربيني :

اختار صح

شعر ـ مياده الشربيني :

لما تحب تفضفض يوم

شايل حمل جبال وهموم

ضلمه الدنيا عتمه غيوم

إختار صح

لما يكون قلبك موجوع

ومعذبه كده كام موضوع

حزنك جواه مش مسموع

إختار صح

إختار حد يحس بوجعك

لما يزيد ألمك جواك

حد بيسمع دقة قلبك

لو كل الناس مش سمعاك

حد يلملم كل جروحك

حد وجوده يطمن روحك

حد يطبطب ليك بيهون

لو كل الدنيا معانداك

إختار حد يعيش أوجاعك

ضعفك لما تكون مهموم

حد يسامحك لما بتغلط

وقت الخنقه مش بيلوم

حد بتهدى معاه أمواجك

زى البحر فوقت العوم

وإختار صح

إختار قلب تعيش جواه

قلب لنبضك روح وحياه

لو يوم تضعف تلاقيه جنبك

بيقويك وبتقوى معاه

حد تكمل بيه مشوارك

حد قريب من أفكارك

حد يكون ليه دور فقرارك

فوجوده لا يمكن تحتار

حس بقلبك واشرك عقلك

عمرك ملكك عيش وإختار

عن admin

اترك تعليقاً

لن يتم نشر عنوان بريدك الإلكتروني.